ကမ္ဘာကိုလှုပ်ခတ်သွားစေခဲ့သော Microchip(25)မျိုး - Signetics NE555 Timer (1971)

Signetics NE555 Timer (1971)

Chip Designer Hans Camenzind(1934-2012)(ပုံ ၁) ဟာ 1970 နွေရာသီမှာ၊ California ပြည်နယ်၊ Sunnyvale မြို့တွင်းက သူ့ရဲ့ဂျောင်ကျကျရုံးခန်းငယ်လေးထဲမှာထိုင်ပြီး အကြံအိုက်လျက်ရှိနေခဲ့ပါတယ်။ Camenzind ဟာ ပြည်တွင်း Semiconductor ကုမ္ပဏီငယ်လေးတခု(Sigmentics)မှာ အကြံပေးအရာရှိတဦးအနေနဲ့ထမ်းဆောင်နေချိန်ပါ။ ကုမ္ပဏီရဲ့ စီးပွားရေးအခြေအနေဟာလည်း တနေ့တခြားထိုးဆင်းနေခဲ့တဲ့အတွက် ဝင်ငွေအနည်းငယ်သာရရှိနေခဲ့တဲ့ သားသမီး(၄)ယေက်ရဲ့ဖခင်တဦးအနေနဲ့အကျပ်အတည်းကာလတခုပါ။ ဒါကိုဖြေရှင်းဖို့အတွက် ကုမ္ပဏီကိုနလံထူလာစေနှိင်တဲ့ Product တခုကိုတီထွင်ဖို့လိုအပ်နေပြီလို့သူယူဆခဲ့ပါတယ်။
တကယ်လည်း သူတီထွင်နိုင်ခဲ့ပါတယ်။ ကမ္ဘာ့အကောင်းဆုံး Chip တွေထဲကတခုဆိုလည်းမမှားလောက်ပါဘူး။
အဲဒါကတော့ 555 Timer IC ပါ။

ပုံ (၁) - Hans Camenzind

တကယ်တော့ 555 IC ဟာ သာမန် timer (သို့) oscillator ကဲ့သို့သာ အလုပ်လုပ်နိုင်တဲ့ ICတမျိုးပါ။ ဒါပေမယ့်သူ့ရဲ့ ပြောက်မြောက်တဲ့ Design ကြောင့် analog semiconductor တွေထဲမှာအရောင်းရဆုံးဖြစ်ခဲ့ပြီး မီးဖိုချောင်ပစ္စည်းမှအစ ကလေးကစားစရာအရုပ်အလယ် နောက်ဆုံး အာကာသလွန်းပျံယဉ်ထဲအထိကိုထည့်သုံးခဲ့ရတဲ့ IC မျိုးပါ။
တီထွင်သူ Hans Camenzind ရဲ့ပြောပြချက်အရတော့ 555 (timer)IC ကို phase locked loop system ကိုလေ့လာစမ်းသပ်နေရင်းနဲ့ Idea ရခဲ့တာလို့ပြောခဲ့ပါတယ်။ ဒီ Idea ကိုထပ်ဆောင်းဖြည့်စွက်ပြီးမှ trigger ပေးလိုက်ရုံနဲ့သတ်မှတ်ချိန်ထိအလိုအလျောက်ဆက်လက်လုပ်ဆောင်နိုင်တဲ့ timer IC တမျိုးကိုရရှိခဲ့တာပါ။
တကယ်တော့ယခုအချိန်အနေနဲ့ အလွန်ရိုးရှင်းတယ်လို့ထင်ရပေမယ့် ထိုခေတ်အခါကတော့ဒီလိုမျိုးမရှိခဲ့ပါဘူး။

ပထမအကြိမ်မှာ Hans Camenzind ဟာသူ့ရဲ့ idea ကိုပြောပြတော့ ကုမ္ပဏီရှိ Engineering Department ကငြင်းပယ်ခဲ့ပါတယ်။ ဘာကြောင့်လည်းဆိုတော့ Signetics ကဒိအရင်ကတည်းက ဈေးကွက်ထဲမှာ timer အနေနဲ့ပြောင်းလဲအသုံးပြုနိုင်မဲ့ component တွေကိုရောင်းချခဲ့ပြီးနေလို့ပါ။ ဒါပေမယ့် Camenzind ကတော့ ဒီအယူကိုလက်မခံခဲ့ပါဘူး။ဒါနဲ့ ကုမ္ပဏီရဲ့ marketing manager ဆီမှာထပ်မံသွားရောက်ပြသခဲ့ပါတယ်။သူကတော့ အတော်ကို သဘောကျသွားခဲ့တယ်။ဒါနဲ့ Camenzind ကို ဒီ Idea ကိုဆက်လက်အကောင်အထည်ဖော်ဖို့ အားပေးခဲ့ပါတယ်။

တကယ်တော့ Camenzind ဟာဒီICကိုရရှိဖို့အတွက် ကို တနှစ်နီးပါးအချိန်ပေး များစွာအပင်ပန်းခံပြီးပြုလုပ်ခဲ့ပါတယ်။ နောက်ဆုံး transistor 23လုံး၊ resistor 16လုံး နဲ့ diode 2လုံးတို့ပါဝင်တဲ့final designပြုလုပ်နိုင်ခဲ့ပါတယ်။

1971 မှာ 555ကိုဈေးကွက်မှာစတင်ချိန်မှာတော့ ကုမ္ပဏီထင်ထားတာနဲ့လုံးဝလွဲလောက်အောင် အောင်မြင်ပြီး လူအများစိတ်ဝင်စားစရာ ဖြစ်လာခဲ့ပါတယ်။ Sigmentics ကုမ္ပဏီကို 1975တုန်းက Philips Semiconductors (ယခု NXP) ကဝယ်ယူခဲ့ပြီး သူတို့ဝယ်ယူခဲ့ချိန်အထိ ၎င်းICတွေဟာ အရေအတွက်သန်းပေါင်းထောင်ချီရောင်းခဲ့ရပြီး ယခုထိလည်းဆက်လက်ရောင်းချနေရတုန်းပါ။

ဒါပေမယ့် Hans Camenzind ဟာ ဒီအောင်မြင်မှုနဲ့တင်ကျေနပ်မနေဘဲ သူ့ရဲ့နောက်ဆုံးအချိန်ထိကို အခြားသော Chips များကို ဆက်လက်တီထွင်သွားခဲ့ပါတယ်။

ယနေ့အထိ Engineer တွေဟာ 555ကိုအသုံးပြုပြီး အသုံးဝင်လှသော electronic module များကိုဆက်လက်ထုတ်လုပ်နေတဲ့အတွက်ကြောင့် 555 time IC ကြီးဟာ ကမ္ဘာကြီးကိုအမှန်တကယ်လှုပ်ခတ်ပြောင်းလဲစေခဲ့တဲ့ ICအဖြစ်မှတ်တမ်းတင်နိုင်ခဲ့ပါတယ်။

ဆက်လက်ဖော်ပြပေးသွားပါမည်။